Ajaks humbi titullin kampion të Holandës dhe ishte PSV Eindhoven që triumfoi në fund.
Trajneri Françesko Farioli, nuk u beson syve pas përfundimit të ndeshjes së fundit dhe në profilin zyrtar të klubit u postua një video teksa ai u përshëndet në fushë së bashku me gjithë skuadrën dhe tifozët e pranishëm në stadium.
Ka shumë hidhërim, pendesë, mosbesim për një kampionat të humbur në këtë mënyrë. Farioli shikon publikun dhe në një moment ulet në gjunjë duke shpërthyer në lot përpara të gjithë tifozëve dhe skuadrës së tij.
Më pas ngrihet në këmbë mes lotësh dhe disa anëtarë të stafit të tij teknik nxitojnë ta përqafojnë. Ai u përpoq të hyjë menjëherë në dhomat e zhveshjes, por disa lojtarë të tij e ndalojnë pasi duan që ai të shkojë të marrë duartrokitjet e publikut holandez që, pavarësisht gjithçkaje, e ka vlerësuar jashtëzakonisht shumë futbollin e tij, projektin dhe idetë e zbatuara në fushë dhe të dukshme për të gjithë gjatë ndeshjeve të luajtura nga Ajaks.
Francesco Farioli ❤️ pic.twitter.com/wdpaKIFrqL
— AFC Ajax (@AFCAjax) May 18, 2025
PANORAMASPORT.AL
