Ish futbollisti i kombëtares, Alpin Gallo thotë se vetëm fitorja kundër Letonisë, mund t’i mbajë gjallë shpresat e Shqipërisë për një vend në playoff në Botëror.
Në emisionin “ABC e Mëngjesit”, Gallo u shpreh se nëse në Tiranë, kombëtarja do të lërë sërish pikë ndaj letonezëve, ky do të ishte fundi për Sylvinho.
“Jemi në vendin e tretë për momentin. Ndonjëherë, këto ndeshjet më të lehta bëhen më problematike. Nëse ajo përsëritet, është fundi i Sylvinho. Nëse ti lë pikë në botëror, nuk shkojmë në botëror. Për mendimin tim, Uzuni duhet të luajë. Na duhen lojtarë të shpejtë. Po them për këtë situatë loje që kemi, Brojën, kam përshtypje se nuk ka për ta aktivizuar, ndoshta për pjesën e dytë. Nuk e justifikon Sylvinhon asnjë lloj tjetër rezultati përveç fitores.”, theksoi ai./abcnews.al
