Ceremonia e fundit e “Topit të Artë” ka krisur marrëdhëniet mes Real-it të Madridit dhe “France Football”. Klubi spanjoll ishte përgatitur që të festonte triumfin e Vinicius Jr., por fituesi u shpall Rodrigo Hernández.
Real-i i Madridit ka lënë të kuptohet se ka humbur besimin në këtë ceremoni pasi mendon se ajo që ndodhi vjet “nuk reflektoi realitetin dhe se lojtari më i mirë në planet nuk u vlerësua për kontributin e dhënë në fushë”. Për të biseduar për ceremoninë e radhës, e cila do të mbahet më 22 shtator, “France Football” ka dërguar në Madrid një delegacion, i cili është takuar disa herë me përfaqësuesit e Real-it.
“France Football” i trembet një tjetër bojkoti nga ana e klubit madrilen, i cili vitin e kaluar kur mësoi se Vinicius Jr. nuk do të fitonte çmimin vendosi që të braktiste ceremoninë duke “tërhequr” Carlo Ancelotti-n, Carvajal, Bellingham, Valverde dhe brazilinin. Sipas medieve spanjolle këto takime deri më tani nuk kanë qenë të suksesshme.
