“Stadium of Light” tregoi se kishte memorie të fortë pasi në momentin që u fut në fushë Lorik Cana, reagoi si të ishte shënuar gol.
Pak momente përpara se të niste takimi mes Sunderland dhe Aston Villa, Cana u ftua nga spikeri i stadiumit në fush ku edhe përshëndeti publikun.
Ish-kapiteni legjendar i Shqipërisë publikoi në rrjetet e tij sociale momentet më të bukra të pasdites në “Stadium of Light” ku sigurisht nuk mund të largohej pa pozuar me kapitenin aktual të “maceve të zeza”, Granit Xhaka.
