“Finalissima” mes Spanjës dhe Argjentinës nuk synon vetëm stadiumin e sigurt, por edhe biznesin milionësh. Tri javë para ndeshjes së 27 marsit, konflikti që detyroi Katarin të pezullojë të gjitha aktivitetet në vend la pezull paketën ekonomike që mund të arrijë 60 milion euro nga të drejtat televizive, organizimi dhe pagesat për kombëtaret.
Plani origjinal e përfshinte ndeshjen në “Qatar Football Festival” (26–31 mars), me miqësore si Egjipt-Arabi Saudite, Katar-Serbi dhe Spanjë-Egjipt më 30 mars, të gjitha pjesë e një marrëveshjeje globale financiare nga vendi pritës. Vetëm për “Finalissima”, RFEF dhe AFA kishin të garantuar 6 deri në 10 milionë euro secila. Miqësoret shtesë shtonin 2 deri në 4 milionë euro për ekip.
Blloku kryesor është te të drejtat televizive dhe përfitimet komerciale, që arrijnë 20–30 milionë euro. Logjistika (udhëtimet, akomodimi, siguria, prodhimi televiziv) mund të kushtojnë 10–15 milionë euro. Në total, festivali lëviz rreth 40–60 milionë euro. Gjetja e një vendi të ri kërkon të njëjtin mbështetje financiare si Katari për të mos shkatërruar biznesin.
