Ylli i Kosovës, Edon Zhegrova ka dhënë një sinjal të qartë për përkushtimin e tij te skuadra e Juventusit.
“Tuttosport” raportin se Zhegrova nuk ka shfrytëzuar ditët e pushimit që trajneri Luciano Spalletti u ka dhënë lojtarëve për t’u përgatitur sa më mirë.
Sulmuesi i krahut ishte lojtari i vetëm që ishte paraqitur në qendrën stërvitore “Continassa”, duke zhvilluar një program individual të stërvitjes, së bashku me trajnerët e përgatitjes fizike.
“Ky veprim i Zhegrovës është parë si një mesazh i fortë për stafin teknik dhe drejtuesit e klubit, duke treguar vendosmërinë e tij për të qenë në formën më të mirë të mundshme në vazhdim të sezonit”, ka shkruar “Tuttosport”.
Bëhet e ditur se Zhegrova kishte punuar në aspektin fizike pasi synon përmirësimin e gjendjes fizike për të qenë sa më i përgatitur për sfidat e radhës.
Zhegrova nuk u aktivizua fare në ndeshjen e fundit të Juventusit, të cilën e fitoi 4:0 ndaj Pisas, që u luajt në Torino.
26-vjeçari ka 20 paraqitje për Juventusin këtë sezon në të gjitha garat apo në total 445 minuta lojë.
