Pas pamundësisë për të siguruar një vend në ekipin e parë të Real Madridit dhe huazimit te Borussia Dortmund për dy vite, Achraf Hakimi vendosi të largohej njëherë e mirë nga “Los Blancos” duke u transferuar tek Inter, e më pas te PSG.
Marokeni ka arritur të fitojë gjithçka me klubin parizien dhe është tani një nga mbrojtësit e djathtë më të mirë në botë, me një vlerë në treg te 80 milionë euro, sipas Transfermarkt.
Edhe pse kontrata e tij me PSG-në është deri në qershor 2029, Hakimi është i bindur se ka ardhur koha për të kërkuar një rikthim në “Bernabeu”, sipas gazetarit Ramón Álvarez de Mon.
Edhe pse vetë lojtari është i gatshëm të bëjë gjithçka për të lehtësuar rikthimin e tij te Real Madrid, largimi nga PSG nuk do të jetë aspak i lehtë, aq më tepër duke ditur marrëdhënien e tensionuar mes dy klubeve.
