Duke qenë se Raphinha u dëmtua gjatë ndeshjes Brazil-Francë dhe do të mungojë të paktën për pesë javë, Barcelona do të marrë një kompensim nga FIFA, në bazë të Skemës së Mbrojtjes së Klubeve.
Sipas medieve spanjolle kompensimi që i takon Barcelonës në këtë rast është rreth 143 mijë euro, një shumë e pakrahasueshme me dëmin e madh që iu është shkaktuar katalanasve në këtë rast, duke ditur rëndësinë dhe peshën që ka një lojtar si Raphinha.
Sulmuesi braziliani do të mungojë në dy sfidat e çerekfinaleve në Champions League ndaj Atletico Madridit si dhe në gjysmëfinalen e parë, gjithmonë nëse Barcelona do të kalojë “Colchoneros”. Po ashtu mungesa e Raphinha-s do të ndihet shumë edhe në La Liga, ku braziliani do të mungojë në ndeshjet sërish ndaj Atletico Madridit, ndaj Celta Vigo, Getafe dhe Osasunës.
