Ralf Rangnick nuk do të jetë pjesë e Milanit.
Trajneri dhe drejtuesi austriak ka refuzuar ofertën e klubit kuqezi, pavarësisht se bisedimet mes palëve kishin avancuar ndjeshëm ditët e fundit.
Sipas raportimeve nga Italia, Rangnick nuk është bindur nga projekti i RedBird dhe nga mënyra se si po funksionon struktura drejtuese e klubit.
Austriaku kishte kërkuar kompetenca të plota në aspektin sportiv dhe organizativ, por paqartësitë mbi rolet dhe ndikimin e figurave të ndryshme brenda klubit kanë bërë që ai të tërhiqet nga negociatat.
Një tjetër element që ka ndikuar në vendimin e tij lidhet me mungesën e një drejtimi të qartë në “Casa Milan”, ku vazhdojnë diskutimet dhe ndasitë për të ardhmen sportive të skuadrës, raporton ORAinfo.
Ky zhvillim konsiderohet një tjetër goditje për RedBird dhe drejtuesit e Milanit, të cilët tashmë duhet të rikthehen në kërkim të alternativave për projektin e ri sportiv.
Ndërkohë, emri i Oliver Glasner mbetet një nga kandidatët kryesorë për pankinën kuqezi.
Rangnick, nga ana tjetër, pritet të vazhdojë punën e tij me Kombëtaren e Austrisë, duke lënë sërish Milanin me shumë pikëpyetje për të ardhmen. /ORAinfo/
