Trajneri i Chelsea, Xabi Alonso, tha se Joao Pedro mund të luajë për “blues” sot në mbrëmje, në ndeshjen e radhës së Premier League kundër Brentford, pavarësisht se sulmuesi u tërhoq nga kombëtarja e Brazilit për shkak të një dëmtimi.
Të mërkurën në mbrëmje u njoftua se Pedro ishte tërhequr nga skuadra e Brazilit, gjë që ngriti shqetësime për gjendjen e tij fizike, ndërsa Chelsea kërkon t’i rikthehet fitoreve. “Sa u përket dëmtimeve dhe përbërjes së skuadrës, ne do të zhvillojmë seancën e fundit stërvitore para se të vendosim“, tha Alonso.
“Askush nuk është përjashtuar ende. Mbetem i kujdesshëm dhe presim. Do të shohim sot nëse ai është gati për të luajtur. Do të marrim një vendim. Është një mundësi që ai të jetë gati”, tha Alonso.
I pyetur nëse Pedro është i zhgënjyer që po humbet mundësinë për të luajtur me Brazilin, veçanërisht duke marrë parasysh se nuk u zgjodh për Kupën e Botës, Alonso u përgjigj: “Ai e ka lënë pas verën, e ka lënë pas Kupën e Botës”.
“Ai ka treguar dëshirë dhe vendosmëri për të pasur një sezon të shkëlqyer deri më tani. Vera tashmë është larg. Ai do të jetë në skuadrën e Brazilit në të ardhmen. Jam mjaft i sigurt që do të jetë”, tha trajneri spanjoll.
