Pas fitores 1-4 në transfertë, Italia do të ndeshet sërish sonte me Turqinë, në ndeshjen e fundit për këtë periudhë të ndeshjeve ndërkombëtare.
Meqenëse bëhet fjalë për ndeshje zyrtare të Ligës së Kombeve, Mancinit i është dashur ta reduktojë grupin në një skuadër prej 23 lojtarësh për ditën e ndeshjes.
Moise Kean është larguar nga grumbullimi për shkak dëmtimi, ndërsa Samuele Ricci dhe Mohamed Ali Zoma janë lënë gjithashtu jashtë listës për ndeshjen ndaj Turqisë. Në vend të tyre janë thirrur Samuele Inacio, Alessandro Romano dhe Nicolo Cambiaghi.
Me largimin e Kean, fanella me numrin 9 mbeti e lirë dhe i është dhënë sulmuesit të Interit, Pio Esposito, i cili më parë kishte mbajtur numrin 7 gjatë kësaj periudhe ndërkombëtare.
Pas golit të shënuar kundër Turqisë të hënën e kaluar, Esposito ka një mesatare shënimi më të lartë me kombëtaren italiane se çdo lojtar tjetër që nga koha e Gigi Rivës, me një bilanc prej gjashtë golash në 11 paraqitje (0,55 gola për ndeshje).
