Ai e ndjen hidhërimin e asaj që i ka ndodhur, por gjithashtu premton se do të rikthehet “më i fortë se më parë”. Alexis Saelemaekers donte t’u dërgonte një mesazh atyre që e mbështesin pas dëmtimit në kyçin e këmbës së djathtë, i cili do të kërkojë ndërhyrje kirurgjikale dhe do ta mbajë jashtë fushave për disa muaj.
“Nuk është e lehtë të kalosh momente të tilla,” thotë lojtari i Milan, që shton: “Kur e dashuron futbollin, të qenit larg fushës, shokëve të skuadrës dhe asaj që do më shumë, të dhemb. Është një periudhë e vështirë, por do ta përballoj me durim, vendosmëri dhe me një dëshirë edhe më të madhe për t’iu rikthyer asaj që dua të bëj.”
“Dua t’i falënderoj sinqerisht të gjithë tifozët, shokët e skuadrës, stafin, miqtë dhe këdo që më ka shkruar e më ka treguar dashamirësinë e tij gjatë ditëve të fundit. Kam lexuar shumë nga mesazhet tuaja dhe ato më kanë dhënë forcë të jashtëzakonshme”, tha mesfushori belg.
“Tani është koha të përqendrohem, të punoj fort dhe të kem durim. Do të rikthehem më i fortë. Falënderime të përzemërta për të gjithë”, u shpreh Saelemaekers.
