Vendimi i Granit Xhakës për t’u larguar nga Arsenali para përfundimit të kontratës së tij, e cila i skadonte në vitin 2024, është një vendim me perspektiv dhe një vendim në favor të familjes së tij.
Vendi Rheinland është shtëpia e gruas së tij, Leonitës.
Kapiteni i kombëtares së Zvicrës e takoi atë gjatë kohës së tij në Monchengladbach, – shkruan mes të tjera mediumi zviceran “Blick”.
“Leverkusen është një klub serioz dhe i mirëmenaxhuar që ka perspektiva, të paktën në Bundesliga I.
Në vitin 1988, Leverkusen fitoi Kupën UEFA, pesë vjet më vonë Kupën DFB. Edhe pse afër ishte disa herë, Leverkusen nuk e fitoi kurrë kampionatin gjerman”, shkruan mes të tjera mediumi zviceran.
“Në qytetin e vogël mes Kolnit dhe Dyseldorfit dhe i njohur për fabrikën e Bayerit, futbollistët e mëdhenj kanë luajtur herë pas here. Bernd Schuster, Rudi Völler, Michael Ballack, Lucio, Zé Roberto, Toni Kroos, Heung-min Son ose Kai Havertz.
Skuadra aktuale ka Florian Wirtz, Moussa Diaby, Patrik Schick dhe tani Xhakën. Ekipi stërvitet nga Xabi Alonso, i cili po ashtu parashikohet të ketë një karrierë të shkëlqyer si trajner.
Xhaka luajti pothuajse 300 ndeshje për ‘Topçinjtë’, duke fituar dy herë FA Cup me ta dhe edicionin që e lamë pas Arsenali përfundoi i dyti në Premier League. “Qëllimi i çdo lojtari është të përmirësohet nga viti në vit. E bëra këtë”, thotë Xhaka.
Si kapiten, kampioni i botës U17 në vitin 2009, pastaj e udhëhoqi ekipin kombëtar të Zvicrës në çerekfinalet e Kampionatit Evropian në vitin 2021 dhe në një raund të dytë të Kupës së Botës dimrin e kaluar në Katar.
Nëse gjithçka shkon normalisht, Xhaka do të drejtojë kombëtaren edhe në Europianin e Gjermanisë në qershorin e ardhshëm. Në shtëpinë e tij të re dhe ndoshta edhe afatgjate”, shkruan ndër të tjera mediumi zviceran.
