Ditën e djeshme, Al Hilal njoftoi transferimin e Sergej Milinkovic Saviç nga Lacio. Mesfushori serb është transferuar për 40 milionë euro megjithatë ende ka një të paqartë në lidhje me të ardhmen e tij.
Vetë klubi i Lacios ende nuk ka bërë asnjë publikim që mesfushori është larguar dhe mediat italiane zbulojnë një prapaskenë. Presidenti Lotito ende nuk e ka firmosur dokumentin që lejon transferimin e futbollistit dhe këtë, do ta bëjë vetëm në momentin që në llogari kalojnë paratë.
Pak ditë më parë, Lotito shprehet “paguaj paratë dhe shih devenë”. Si duket, këtë shprehje po e çon deri në fund. “Il Mattino” raporton se Lotito e ka bërë të qartë se nuk do të ketë transferim deri në momentin që kalojnë paratë në llogari. “Nuk i kam marrë paratë ende dhe nuk e lejoj transferimin deri kur t’i shoh”, shprehet Lotito.
PANORAMASPORT.AL
