Kieran Trippier ka këmbëngulur se bashkëlojtari i tij te Anglia, Jude Bellingham do të jetë lojtari më i rëndësishëm për skuadrën e Gareth Southgate në Euro 2024.
Mbrojtësi i Newcastle United po fliste para ndeshjes jetike kualifikuese të “Tre Luanëve” kundër Italisë në Wembley të hënën, me Bellinghamin që shkëlqeu sërish për Real Madridin në La Liga, shkruan lajmi.net.
Ylli 20-vjeçar tashmë ka dhjetë gola në po aq ndeshje për gjigantët spanjollë këtë sezon.
“Në një moshë kaq të re, me pjekurinë, cilësinë dhe agresionin që ka, ai është i frikshëm. Nuk është aspak surprizë, standardet. Ai është vendosur mirë në Madrid. Ju mund të shihni se ai po luan me lirinë dhe lojtarët rreth tij do ta bëjnë atë edhe më të mirë. Gjëja e frikshme është se ai është vetëm 20 vjeç.”
Pasi u transferua nga Borussia Dortmund në fillim të këtij viti, shumë nuk e kuptuan ndikimin që ai do të kishte kaq shpejt në Bernebau, me tifozët anglezë që shpresonin që forma e tij të vazhdojë deri në turneun e verës së ardhshme në Gjermani. /Lajmi.net/
