Presidenti i Barcelonës, Joan Laporta, ka thënë se dëshiron që stadiumi Camp Nou të presë finalen e Kupës së Botës 2030. Siç e dini, kohët e fundit u njoftua se Kupa e Botës në shtatë vjet do të mbahet në 3 kontinente dhe në 6 vende – Paraguaj, Uruguai, Argjentinë, Spanjë, Portugali dhe Marok.
Nga ana tjetër, stadiumi legjendar i katalanasve po i nënshtrohet punimeve aktive të rinovimit dhe supozohet se do të rinovohet tërësisht deri në vitin 2026. Presidenti i Barçës e bëri të qartë se ka dëshirën e plotë që shtëpia e ” Blaugranas” do të jetë nikoqir i ndeshjes finale të Botërorit, përcjell GazetaBlic Sport.
“Unë do të doja të prisja finalen e Kupës së Botës në vitin 2030. Ne tashmë e kemi kërkuar këtë. Dhe mendoj se sigurisht do të presim një nga gjysmëfinalet. Stadiumi ynë do të jetë ai me kapacitetin më të madh. Megjithatë, ne do të marrim patjetër gjysmëfinalen”, tha Laporta për “El Matí de Catalunya Ràdio”.
/GazetaBlic Sport
