Mesfushori i Newcastle, Sandro Tonali do të përjashtohet nga futbolli për 10 muaj për shkelje të rregulloreve italiane për bastet.
Një gjë të tillë e ka konfirmuar presidenti i Federatës Italiane të Futbollit (FIGC), Gabriele Gravina, i cili shtoi se Tonali do t’i nënshtrohej një periudhe rehabilitimi tetë-mujore si pjesë e marrëveshjes, shkruan lajmi.net.
Agjenti i Tonalit ka thënë se klienti i tij ka një varësi nga bixhozi dhe se Tonali ka bashkëpunuar plotësisht me një hetim italian.
Tonali pranoi se kishte vendosur baste në ndeshje, duke përfshirë disa në të cilat ai ishte i përfshirë për Milanin.
Ai nënshkroi për Newcastle nga Milani për 55 milionë funte në korrik.
Futbollistëve profesionistë në Itali u ndalohet të vënë baste në çdo garë të organizuar nga FIFA, UEFA ose FIGC.
Të bësh këtë dënohet me një ndalim prej tre vjetësh, megjithëse kjo mund të reduktohet me pranimin e fajit. /Lajmi.net/