Ruben Amorim nuk e fshehu kënaqësinë për fitoren e Milanit ndaj Lecce dhe, mbi të gjitha, për paraqitjen e skuadrës: “Një fitore e bukur, e kontrolluam mirë ndeshjen dhe u mbrojtëm mirë. E kuptuam se kë kishim përballë. Jam i kënaqur që ruajtëm zotërimin e topit dhe me vrapimet tona në kthim.
Kemi shumë punë për të bërë, por po përmirësohemi dhe po mësojmë. Në ndeshjet e fundit patëm vështirësi, ndërsa sot ishim më të lirë. Kemi pasur më shumë kohë për t’u bërë skuadër. Humbëm dy pikë ndaj Juventusit dhe Lazios, por jo gjithçka është për t’u hedhur poshtë. Duhet t’i balancojmë gjërat. Po bëjmë mirë dhe meritonim më shumë pikë”.
Për Luka Modric tha: “Është një lojtar që ka nevojë ta ketë shpesh topin për të dhënë më të mirën. Në disa ndeshje, kur luajmë në tranzicion, Luka e ka të vështirë. Besoj se është gati të luajë çdo lloj ndeshjeje. Në sfidat ndaj një skuadre me bllok të ulët, si sonte, ndihet më rehat”.
Milan rikthehet te fitorja, gjithçka e lehtë për kuqezinjtë ndaj Lecce-s (video)
