Me 2 fitore radhazi ndaj Miami Heat, Boston Celtics tregojnë se e kanë kuptuar sesi mund të mposhtin Miamin dhe të zgjasin më tej finalen e Konferencës Lindore në NBA, duke arritur në 3-2 falë rezultatit 110-97, që e çon gjithçka në ndeshjen e 6-të.
Boston Celtics treguan se kanë gjetur “çelësin” për të “zhveshur” mbrojtjen e Miami Heat dhe për t’i vënë në telashe rregullisht, por mbi të gjitha tregojnë se fitorja e mëparshme nuk erdhi rastësisht. Pasi goditi fundin me rezultatin 128-102 në ndeshjen 3, trajneri Mazzulla dhe skuadra e tij në fakt kanë mundur të konsolidohen dhe të fitojnë dy ndeshje radhazi.
Boston tregon një performancë të shkëlqyer sulmuese, me katër lojtarë mbi njëzet pikë Derrick White shënon 24, i ndjekur nga Smart 23, me Tatum 8 kërcime dhe 11 asistime dhe 21 pikë së bashku me Brown.
Në krahun tjetër, performanca e Miamit është shumë e shëmtuar për të qenë e vërtetë,me Adebayo që ndalet në 16 pikë, Jimmy Butler në 14 dhe “pikëshënuesi” më i mirë është Duncan Robinson me 18 pikë. Tashmë gjithçka pritet të vendoset në përballjen e fundit, për të mësuar nëse Miami do të kalojë në finalen e madhe apo Boston do të barazojë gjithçka. /i.m /abcnews.al
