Pjesa e parë mes Gjermanisë dhe Bregut të Fildishtë është mbyllur 0-1 për kombëtaren afrikane, në sfidën që po luhet në Toronto, e vlefshme për grupin E. Rasti i parë i rrezikshëm ishte në minutën e 10-të, ku pas një krosimi perfekt të Joshua Kimmich, ishte Kai Havertz, i cili goditi me kokë, por Fofana bëri një pritje të jashtëzakonshme.
Në minutën e 21-të, Aleksandar Pavlovic shënon me kokë, por goli anullohet për një faull të mesfushorit gjerman, ndaj portierit kundërshtar.
Në minutën e 30-të u zhbllokua rezultati. Tentativa e parë për Bregun e Fildishtë nga Amad Diallo ndalet nga Nathaniel Brown, por Franck Kessie ndjek aksionin deri në fund dhe shtyn topin në rrjetë.
Në minutën e 38-të, Kai Havertz gjeti rrjetën, por goli u anullua pas një faulli të Jamal Musiala ndaj kundërshtarit. Pjesa e parë mbyllet 0-1 për Bregun e Fildishtë.
