Pasi mundi në mesjavë në Champions League 4-1 Manchester United, Como ka marrë këtë pasdite fitoren e radhës në Serie A. Liqenorët mposhtën në shtëpi 2-0 Sassuolo-n, në sfidën e vlefshme për javën e tetë në kampionat.
Vendasit gjetën golin që në minutën e 7-të, me Lucas Da Cunha, por që u anullua më pas për pozicion jashtë loje. Pjesa e parë në “Giuseppe Sinigaglia” u mbyll në barazim pa gola. Në pjesën e dytë, që foli e gjitha për liqenorët, erdhën edhe golat e fitores.
Në minutën e 48-të, Anastasios Douvikas, zhbllokon sfidën, pas një aksioni të gjatë dhe asistit të Maxence Caqueret. Në minutën e 60-të, ishte sërish sulmuesi grek që dyfishoi shifrat, pas asistit të Kaiki.
Pas kësaj fitoreje, Como ngjitet në vendin e 4-të me 17 pikë, momentalisht dy pikë më pak se kryesuesit e Interit dhe Lazios, por që këta të fundit nuk kanë zbritur ende në fushë për këtë javë. Në sfidën tjetër, Bologna fitoi 0-2 në transfertën ndaj Cagliari.
