Drita ka shënuar fitore të rëndësishme në ndeshjen e parë të raundit të dytë kualifikues në Ligën e Konferencës.
Gjilanasit triumfuan 1:2 në udhëtim ndaj ekipit nga Islanda, Breidablik.
Arb Manaj kaloi mysafirët në epërsi në minutën e tretë të takimit, pas asistimit nga Albert Dabiqaj.
Ky i fundit ishte asistues edhe në golin e dytë që e shënoi Veton Tusha në minutën e 23-të.
Vendasit u ringjallën në minutën e 71-të kur Thorvaldsson realizoi për 1:2.
Në minutën e 89-të, Besnik Krasniqi mori kartonin e dytë të verdhë, duke u përjashtuar nga ndeshja.
Deri në momentet e fundit, Breidablik tentoi të shënonte golin e barazimit, megjithatë Faton Maloku bëri pritje fantastike.
Ndeshja e kthimit zhvillohet javën tjetër në “Zahir Pajaziti” në Podujevë.
Teilen:
