FIFA ka anuluar ndarjen e biletave për tifozët e Iranit për tri ndeshjet e kësaj përfaqësueseje në Botëror, e që zhvillohen në SHBA. Kështu të paktën ka deklaruar federata iraniane të martën.
Çdo federatë e 48 përfaqësueseve pjesëmarrëse ka të drejtë të marrë dhe të shpërndajë 8 për qind të biletave të kapacitetit të stadiumit.
Vetëm disa ditë para se Irani ta hapë Kupën e Botës, më 15 qershor në Los Angeles ndaj Zelandës së Re, federata iraniane tha se tani nuk ishte në gjendje të siguronte asnjë biletë për mbështetësit e saj.
Ky pretendim shton trazirat midis federatës iraniane, FIFA-s dhe SHBA-së.
Përfaqësuesja e Iranit është vendosur në qytetin kufitar të Meksikës, Tijuana, në vend se të vendosej në Arizona, ku fillimisht e planifikonte kampin.
Disa prej drejtuesve të federatës iraniane ende nuk kanë leje për të hyrë në SHBA.
