“Të luash Kupën e Botës në shtëpi është diçka krejtësisht e ndryshme. Jemi mësuar të luajmë në Toronto dhe Vancouver, me miqtë dhe familjen tonë atje dhe të gjithë vendin pas nesh, kështu që të jemi në gjendje ta bëjmë këtë në skenën më të madhe do të jetë fantastike.”
Kjo është ajo që tha sulmuesi kanadez Jonathan David në një intervistë me FIFA.com përpara ndeshjes hapëse kundër Bosnjës dhe Hercegovinës. Ai foli për llojin e atmosferës që pret për ndeshjen hapëse.
“Një atmosferë fantastike. Nga ajo që kam parë deri më tani me ekipin kombëtar, progresi ka qenë i jashtëzakonshëm. Angazhimi i tifozëve dhe njerëzve që takon në rrugë, të cilët të njohin gjithnjë e më shumë dhe flasin për Kupën e Botës, tregon se të gjithë janë të entuziazmuar për atë që do të vijë”, shtoi sulmuesi i Juventusit.
“Ekipi ynë bazohet në shpejtësi dhe fuqi. Kemi shumë lojtarë të shpejtë dhe të fuqishëm, dhe i dimë cilësitë tona. Kështu që mendoj se kjo është ajo që na bën kaq të fortë”, shpjegoi David, “fakti që nuk përpiqemi të jemi diçka që nuk jemi. Jemi rritur shumë, e dimë identitetin tonë, e dimë kush jemi si ekip dhe mendoj se kjo do të na ndihmojë shumë”. “Do të doja që ky Kupë Bote ta ndryshonte përgjithmonë futbollin në Kanada, ndoshta duke e bërë atë sportin numër një në vend”, përfundoi ai.
Ndeshja Kanada-Bosnjë Herzegovinë do të luhet sot në mbrëmje në orën 21:00 në stadiumin “BMO Field” në Toronto.
