Harry Kane dha një intervistë të gjatë për “Marca”, ku ka folur për kohën e tij te Bayern Munich, Champions League, Kupën e Botës dhe “Topin e Artë”. Ai pranon se sezoni i kaluar ishte vërtet pozitiv për të.
“Vjet, në Champions, përfunduam të dytët në fazën e grupit. Më pas luajtëm disa ndeshje të shkëlqyera kundër Atalanta, Real Madrid dhe PSG. Ishin përballje të jashtëzakonshme për tifozët. Humbja me diferencë të ngushtë ishte e vështirë për t’u pranuar. Por e tillë është Liga e Kampionëve: gjithçka varet nga detajet”, tha Kane.
Më tej, anglezi tha: “Ishim shumë pranë dhe kishim besimin e cilësinë e nevojshme për të arritur në finale. Këtë vit, duhet të përpiqemi të bëjmë pak a shumë të njëjtën gjë dhe të hedhim atë hap shtesë që na mungoi. Ky ekip i Bayern e ka urinë e nevojshme si grup dhe kemi trajnerin e duhur.”
“Nuk më ka pëlqyer kurrë të flas shumë për veten. Mund të them se sezoni i kaluar ishte i jashtëzakonshëm, si në aspektin personal ashtu edhe për ekipin. Ishte padyshim sezoni më i mirë i jetës sime. Është e vërtetë që arritja e kuotës së 73 golave flet vetë. Jam jashtëzakonisht krenar”, tha Harry Kane.
“Mund vetëm t’i falënderoj shokët e skuadrës dhe të gjithë ata që më ndihmuan ta arrij këtë rezultat. Por “Topi i Artë” nuk varet nga unë; varet nga votuesit. Megjithatë, nga këndvështrimi im, sezoni i kaluar i përket së shkuarës. Tani jam i përqendruar te sezoni aktual dhe dua të shoh se çfarë tjetër mund të arrij”, shtoi sulmuesi anglez.
“E di që do të flitet shumë për ‘Topin e Artë’ nga tani e deri në tetor, sepse është një çmim jashtëzakonisht i rëndësishëm“, tha Kane, që foli edhe për ndeshjen e Kupës së Botës kundër Argjentinës së Messi: “Ishte një ditë e vështirë për mua. Eliminimi në atë mënyrë ishte një moment i rëndë”.
“Kam respekt të jashtëzakonshëm për Messi. E kam parë të rritet si futbollist. Ai është thjesht një lojtar i jashtëzakonshëm dhe një njeri fantastik. E kam takuar vetëm pak herë, por më la përshtypjen e një njeriu shumë modest. Ai e ka vendosur gjithmonë ekipin para vetes dhe mendoj se kjo është një nga arsyet pse Argjentina ka qenë kaq e suksesshme. Më kujtohet që e përqafova pas ndeshjes dhe i urova fat për finalen”, tha Kane.
“Nuk ishte Kupa jonë e Botës, por ky është futbolli: lojtarët më të mirë përballen në skenën më të madhe dhe dikush duhet të humbasë. Pas asaj humbjeje, u përpoqa ta mbaja kokën lart dhe të tregoja respekt për ekipin tjetër”, tha Kane.
Për negociatat e kaluara me klubet e mëdha spanjolle, ai shtoi: “Kishte raste kur luajtja në Spanjë mund të kishte qenë një mundësi. Nuk do t’i quaja saktësisht mundësi konkrete, por pati disa bisedime. Kam respekt të madh për La Liga. Barcelona, Real Madrid dhe Atletiko janë ndër klubet më të mëdha në botë”.
“Jam rritur duke parë Ronaldon dhe Mesin dhe kam respekt të madh për ato ekipe. Në futboll mund të ndodhë gjithçka. Nuk përjashtoj kurrë asgjë, por për momentin, siç e kam thënë edhe më pare, jam jashtëzakonisht i lumtur në Gjermani“, komentoi Kane.
