Kukësi është në vështirësi të mëdha, gjë të cilën e tregoi mjaft mirë edhe sezoni i Kategorisë së Parë që sapopërfundoi.
Verilindorët u renditet në vendin e 10-të, teksa tashmë do të luajnë në “play-out”.
Pikërisht këtë të shtunë (nesër), Kukësi do të përballet me Orikun, për një vend në Kategorinë e Parë në sezonin e ardhshëm.
Sfida që do të zhvillohet në stadiumin “Arena e Demave”, do të nisë në orën 16:00.
Duke qenë në vështirësi, klubi i Kukësit ka kërkuar ndihmën e tifozëve për të qenë të pranishëm në Tiranë.
Me anë të një postimi në faqen zyrtare, klubi verilindor thotë se ekipit ka nevojë më shumë se kurrë.
