Çelsi është afër emërimit të Enzo Mareskas pasi klubi kërkoi leje për të folur me trajnerin e Leister.
Mareska, i cili e ka rikthyer Leisterin në Premier Ligë, po shfaqet si kandidati kryesor për të marrë drejtimin pas largimit të Mauricio Poçetinos. Kieran Mek Kena i Ipsuiç e ka përjashtuar veten nga gara dhe gjithashtu mediat angleze kanë minimizuar interesin e Çelsit për Roberto De Zerbi, i cili ndërpreu marrëveshjen me Brajton.
Çelsi gjithashtu ka folur edhe me Tomas Frank, trajnerin e Brentford. Ata duan një njeri për stolin që është i fokusuar në futbollin posedues. Londinezët do të duhet të paguajë rreth 10 milionë paundsi kompensim për Leisterin në mënyrë që të tranferojnë Mareskën.
44-vjeçari ka një klauzolë lirimi prej rreth 10 milionë paundësh në kontratën e tij me “dhelprat”, kështu që blutë mund ta marrin italianin pa pasur nevojë të negociojë thjesht duke paguar atë shumë te klubi. Megjithatë, nuk ka asnjë garanci që Mareska do të marrë këtë detyrë pasi është i lumtur në Leister. Ai mund të vendosë të qëndrojë nëse kushtet në Londër nuk janë të përshtatshme për të.
Maresca ka qenë në klub për vetëm një sezon dhe stoku i tij është i lartë pasi i udhëhoqi ata drejt titullit kampion në Championship.
SONI SALIHI-PANORAMASPORT.AL
