Debutimi i Noemi Bocchi në pistën e kërcimit të “Ballando con le Stelle” u shndërrua në një moment të fortë emocional. Partnerja e ish-kapitenit të Romës shpërtheu në lot duke folur për ndjesinë se identiteti i saj është zbehur pas lidhjes me Francesco Tottin:
“Nuk ndihem më askush, vetëm partnerja e tij. Nuk ndihem ajo vajza që ka pasur jetën e saj, problemet, gjërat e bukura, fëmijët dhe angazhimet e saj… Asgjë. Vetëm partnerja e tij”.
Bocchi foli edhe për ndarjen e Tottit nga Ilary Blasi: “Në jetë secili ka përgjegjësitë e veta dhe kur një çift arrin të ndahet, fajet janë gjithmonë 50 me 50. Kjo më bën të vuaj, sepse unë nuk jam si Francesco, që i lë gjërat t’i rrëshqasin. Unë i marr të gjitha përsipër, edhe pse nuk e tregoj, sepse jam krenare”.
Në fund, ajo përcolli një mesazh force: “E vura veten në lojë dhe në jetë duhet të dish ta bësh këtë, sepse deri tani nuk e kisha bërë, e kisha lënë veten mënjanë”.
Performanca me Giovanni Pernice mori ovacione në këmbë. Milly Carlucci dhe Barbara D’Urso e mbështetën, ndërsa Ivan Zazzaroni zbuloi se Totti i kishte dërguar mesazh gjatë transmetimit për ta mbështetur nga shtëpia me votën maksimale.
Historia e Noemi dhe Totti nisi në verën e vitit 2021 dhe, pas pesë vitesh, ajo e sheh kërcimin si një mundësi për të dalë nga hija e partnerit dhe për të rikthyer identitetin e saj.
