Të shtunën kthehet “Derbi i Italisë”: për zikaltrit, Torino ka qenë historikisht një fushë e ndaluar. Juventusi me pikë të plota, Interi me tri pikë më pak për shkak të humbjes ndaj Udineses: përballja e së shtunës në “Allianz Stadium”, ora 18:00, mund t’i japë mundësi Tudor-it të krijojë distancë ndaj zikaltërve ose Chivu të marrë menjëherë hak pas humbjes në shtëpi dhe të rikthejë ekipin në garë. Një derbi i Italisë, pra, që që në javën e tretë të kampionatit mbart një peshë të madhe, përtej rivalitetit historik mes dy klubeve.
Juve – Inter: Statistika të një sfide të pafundme
- Përballje gjithsej në Serie A: 184
- Fitore Juve: 88
- Barazime: 47
- Fitore Inter: 49
- Golat Juve: 264
- Golat Inter: 213
Në Torino (te fusha e Juves):
- Ndeshje: 92
- Fitore Juve: 63
- Barazime: 17
- Fitore Inter: 12
- Golat Juve: 160
- Golat Inter: 70
- Mesatarja e golave për ndeshje: 2.59
Fakte dhe kuriozitete
- Interi ka fituar vetëm një nga gjashtë ndeshjet e fundit të Serisë A ndaj Juves (2 barazime, 3 humbje): 1-0 më 4 shkurt 2024, falë një autogoli të Federico Gatti-t. Në përgjithësi, Juventusi është ekipi që ka mposhtur më shpesh zikaltrit në histori (88 herë).
- Tri nga katër sfidat e fundit në fazën e parë mes dy ekipeve kanë përfunduar në barazim (një fitore e Juves).
- Juve është e pamposhtur në 11 nga 12 sfidat e fundit në shtëpi kundër Interit në kampionat (8 fitore, 3 barazime). Fitorja e fundit e Interit në Torino në Serinë A ishte më 3 prill 2022 (0-1 me gol të Çalhanoglu nga penalltia).
- Vetëm tri herë në histori, Juve dhe Inter janë ndeshur brenda tri javëve të para të kampionatit (1939, 2013 dhe tani).
Forma aktuale dhe lojtarët kyç
- Juventusi mund të mbajë portën e paprekur në tri ndeshjet e para të një sezoni për herë të parë në histori.
- Interi, pas humbjes me Udinesen, rrezikon të ketë dy humbje në tri javët e para për herë të parë që nga sezoni 2011/12.
- Interi ka goditur më shumë brenda zonës (27 tentativa, sa Milani), ndërsa Juve ka goditur më shumë nga distanca (16).
- Dusan Vlahovic mund të shënojë në tri javët e para për herë të parë në karrierë; ka dy gola në tri përballjet e fundit me Interin.
- Kenan Yildiz sezonin e kaluar u bë lojtari më i ri që shënoi dy gola në një derbi Juve–Inter (19 vjeç e 176 ditë).
- Lautaro Martínez ka vetëm dy gola në 14 ndeshje kundër Juves, një nga statistikat më të dobëta të tij kundër një rivali të Serisë A.
Teilen:
