Atletiko Madrid mposhti Atletiko Bilbaon me rezultatin 1 me 0 në duelin e vlefshëm për javën e 26-të të La Ligës, duke marrë kështu kreun e kampionatit.
Ishte Julian Alvarez heroi i kryeqytetasve, në këtë përballje. I futur nga stoli në minutën e 59-të në vendin e Sorloth, argjentinasit, i mjaftuan vetëm 7 minuta në fushë, teksa në minutën e 66-të, pas asistit të Jorentes, arriti të tundte rrjetën.
Ky ishte goli i 9-të në La Liga për Alvarez dhe fitorja e 16-të në kampionat për Atletikon. Me këtë fitore skuadra e Simeones, u ngjit në kuotën e 56 pikëve, 2 më shumë se Barcelona e vendit të dytë që ka një ndeshje më pak.
GOLI I ALVAREZ: VIDEO
PANORAMASPORT.AL
