Përzgjedhësi i Kombëtares së Kosovës, Franco Foda, ka liruar nga grumbullimi i Kombëtares së Kosovës futbollistët Edon Zhegrova dhe Veldin Hoxha.
Kështu, ka njoftuar FFK të dielën, dy ditë para përballjes me Irlandën në udhëtim.
Zhegrova është liruar për shkak të lëndimit, i cili e pamundëson të jetë i gatshëm për ndeshjen e radhës kundër Irlandës.
Ndërkohë, Hoxha për shkak të pezullimit si pasojë e kartonit të kuq (pas dy të verdhëve) në ndeshjen e djeshme kundër Izraelit.
Kosova, të shtunën në Prishtinë barazoi pa gola ndaj Izraelit në Ligën e Kombeve.
Teilen:
