Vetëm dy ditë pas finales së Kupës së Botës 2026, Spanjë-Argjentinë, ku në fund spanjollët fituan 1-0 falë golit të Ferran Torres në pjesën e dytë të shtesës prej 30 minutash, mediat argjentinase kanë publikuar ditën e sotme një lajm vërtet të bujshëm.
Sipas ESPN Argentina, Spanjë-Argjentinë do të riluhet sërish, por këtë herë për Finalissiman e famshme, e cila fillimisht ishte programuar për t’u zhvilluar në muajin mars të këtij viti, por që u shty.
Sipas raportimit në fjalë, bisedimet janë në një fazë të përparuar për të organizuar këtë përballje të profilit të lartë midis dy gjigantëve të botës në Katar, në stadiumin “Lusail”, vendi ku u zhvillua finalja e Kupës së Botës 2022.
Zgjedhja e stadiumit “Lusail” është kryesisht për shkak se qeveria e Katarit tashmë mban të drejtat për të organizuar këtë ndeshje. Ende nuk është njoftuar një datë zyrtare, por me shumë mundësi do të ndodhë në nëntor të këtij viti, në data e lëna të lira nga FIFA, për ndeshjet kombëtare.
